سهيت وريّحت متعة حديثك قلبـي المسـروق
ونبت جمر السهر فالعين وأنضميت لاحبابـك
حبيبي وانت مرسى الحب والرقه ونبع الـذوق
عساني ما انحرم من شوف تفاحـك وعنابـك
تسلهم فاضح ٍ حسنك خجلك وقدك الممشـوق
ياملحك لاهدا بالك ! وسال السحـر فاهدابـك
انا والحب واشواقي وقلبي ياعظيـم الشـوق
تواعدنا من اللهفه على شوفـك علـى بابـك
ترا ماجابني لك غير شوق ٍ ساقني لك سـوق
انا اللي جيت لك مشتاق قبل تقول وش جابك ؟
تدلل يابعد حـي القصيـد وخاطـر الطـاروق
لو ان جروح قلبي كلها كانت مـن اسبابـك !