ســــــــــــــــافــرت...

سافرت ناوي أترك الضيق لحظات
لقيت طيفك بالسفر محتريني.?!

حاولت أببعد عن خيالك مسافات
الله حسيبك وين مارحت فيني.؟!

غيرك نسيته ماطرى كل حزات
الا أنت دايم بالدقايق تجيني.؟!

ياوجد حالي منك اّهات واّهات
وجد بدوي ضيع هله نازحيني

أتعبتني مابين روحة وجيات
خليتني أصفق يسار بيميني

حراام تترك هالجروح اليتيمات
ليه أنت قاسي يالغضي ماتليني.؟!

بالليل ساري مع نجوم المجرات
والصبح أخبّر حضرتك عن ونيني.?!

عز الله ان حبك يفوق الخيالات
ماغيرك اللي مسكنه وسط عيني

بيني وبينك خافي الشوق باسكات
أخاف اصيح من الوله ياظنيني.؟!

مالي جدى ماتلحق النفس شرهات
صبرت لين الدمع بيّح كنيني

ملتاع أسليّ خاطري بنظم الأبيات
ياليتها تصلاك نار الحنيني.؟!

تسلم يميمك يا نجوووووووول على هل
الشعر رائع
والله كلماته مره حلوه

العفووووو ..