رواية حبك .. رسالة حب من النوع الثقيل ....!!

الروايه
بأعترف لك أعتراف
وبصمتي تشهد عليه
إعتراف يحكي حقيقه
ولايكون الرد ليـــــه
أنا أحبك أيـــه أحبك
وشوف قلبي وأسأله
وفوق حبي لك مشاعر
تنطق بشوق الوجيه
كل ماشفتك حبيبي
قال قلبي أيه أبيه
هاذا هو اللي أحبه
وأعشقه وأموت فيه
هذا هو اللي هزمني
وخلا أشواقي تجيه
هاذا هو اللي هويته
ليتني ليا أشتقت أجيه
بأعترف وهاذا أعترافي
أن قلبي لك دوم وافي
وأنك أغلا من من يكون
وإن حبي لك كــــافي
وإن شوفك للجروح
طبها اللي كان شافي
يابعد كل حاضر وغايب
ياسبب إبداعي قافي
أنت يابسمة شفاتي
حبي اللي جاك صافي
صرت صوره في عيوني
أطالعك لو كنت غافي
يانوري الضاوي وشوفه
فيك يوم النور طافي
وعشقي اللي ماحكيته
جاك واضح وجاك خافي
بردي ليا حرك غصوني
في حماك يصير دافــي
وصيفي ليا زاد السراب
ينتعش ليا جيت لافــي
كيف أعبر كيف أقول
وأنت حلي والحلــول
كل كلمه قلتهـــــــــا
ماتجي ربع الميــــول
لأني أحمل لك غرام
يبهر أصناف العقول
مايترجـــم بالكـــلام
ولايترجم بالشمـــول
تكسي الصحراء ورود
والزهر يغزي الفصول
حبك ماهو حب عادي
ولاهو مجـــرد فضول
حب عمــره مايمــوت
بالأمل عمــــره يطول
حب يملك حس صادق
عيبه أنه بس خجول
مايقدر يضهر حنينه
ولايقدر يخفي ونينه
عندي لك أشعار وأغاني
وأشواقي بعيونك سجينه
أن حكى تصمت حروفه
وإن صمت يحكي أنينه
أشواقي فيها أسرار وموده
باقيـــه لآخر سنينه
وعندها للحب معنىى
أعتلا فوق قمة جبينه
كيف أعبر عن مداك
وكيف أوضح لك غلاك
قلي أرجوك بعبااره
فيها أصل مستواك
كلمة قبلي ماحكوها
لك وحدك ماهي لسواك
تشفي لاجتك المواجع
وتصبح النور بسماك
ودي أبعثها بليل
ولاتنـــام إلا معـــاك
أو تجي وقت النهار
وتصبح الضيف لمسااك
أو تنطقها شفـــاهي
ولجروحك هي دواك
تخبرك عني وعن
قلبي اللي فيك جن
وعن مدارات السهر
وعن محطات الزمن
لين تقنعك بشعوري
اللي ماعمره وهن
دايم في سيرتك يسرح
لين حبك صار فن
حطم أرقام المحبه
وإنتهك حد الأمن
أعشقك حتى الصراحه
وعشقي أرسل لك رماحه
أكبر أكبر من أنك تخيل
أو تقيسه في مساحه
يعجز التعبير يكتب
مهما كانت لها فصاحه
عن وجودك في حياتي
وإني أشعر بأرتياحه
وإنك الحب الحقيقي
اللي غطاني وشاحـه
وإن بغيت أكثر أزيدك
إني نبضه في وريدك
وإني أستلهم وجودي
ليا دفت إيدي بأيدك
وإني أحزن لافقدتك
والفرح عيده بعيدك
ماأذكر إني نسيتك
وأذكر أني بس أريدك
وكانها الدنيا قديمه
أنا بالدنيا جديدك
أنا ياقلبي وجودك
كان ضاقت بك حدودك
وأن تبي الضحكه تراني
بسمه تسعد خدودك
لاتتضايق ولاتتكدر
دامني أغلى وفودك
لأني أحبك زيـــاده
بالوصل وإلا بصدودك
غصب عنك وغصب عني
ذبت في قطرة جمودك
لو تعانـــد أو تكـــابر
غصب أحبك لو تهاجر
الهوا ماهو غصيبه
كنت أدري وأنت خابر
بس بالقوه هويتك
وتشهد حروف المحابر
وأدري أنك فيني مغرم
بس ماهو مثلي وصابر
عندك إحساس التحمل
وتمتلك حكي المشاعر
وأنا ليا حبيت أذعت
حبي بأوساط المنابر
وكان ظني فيك خاطي
بأترك الدنيا وأسافر
لأني بدونك مجرد
جسم من حبه تجرد
مايحب إلا الخيال
اللي في حبك تحدد
أنت حلمي الجميل
غيم ماعمـــره تبدد
المطر نظرة عيونك
والعطا منك يتجدد
ماخلق مخلوق غيرك
أنا لرضــاه أتودد
قلت أحبك وأعترفت
قلتها وأدري أنك أقتنعت
قلتها لك بصوت الكتــابه
وصوتي الصادق حبست
قلتها وكلي وضوح
لك بس ولغيرك أعتذرت
لو زعل مايهمني
دام على حبك حصلت
في مسافاتك مشيت
وآخرالرحله وصلت
وجيت وأنفاسي تقول
أحبك أحبك لو زعلت
هاذي كل الحكــايه
أو سميها الروايــه
أبتدت ومنك البدايه
وأنتهت وفيك النهايه

(( منقــــــــــــــــــــــــووول )) ..

تسلم ياالغالي ويعطيك الف عافيه

على المجهود الرائع

موضوع جدير بالتقدير

وإلى الأمام...

شكرا على المرور

حلو وطويل good boy

thanx

مشكووووووور

...تقبل مروري ...

شكرا اختى على المرور الجميل